رسالة الى من يهمه الامر

يا ابنوسية الفيك ملامح ابريل وباقى الخريف فى اكتوبر انتى فى المعنى كل

الحروف الرسمت الوطن المضرج بعرق الترابلة المراكبية الرواعية الافندية

جواى المرسوم فى ضحكة طفل بحبا وام تقول ليهو تــاتى تـــاتى تــــــــــاتى

انتى فى المعنى الوطن المضرج بعرق عمال اليومية البنياين اليبنوا قصـــــــور

للناس الفوق وينهضوا بالعمارات الطويلة الزينت واجهات المـــــدن المـــــزيفة

وياكلوا فى الفول والطعمية ومرة بوش اولادم مطرودين من الطابور فى مدرسة

الحكومة العايزة قروش ومافيها طبشير ولا معلمين

والتانين روضتم كامبردج وحتى الجامعة فيهم المهندس والوزير والدكتور وحتى

السفير والجاين من الغرب والجنوب والشرق وهامش الشمال ترابلى وعتالى

وبناى او عسكرى ديش اوبوليس مدينة فيهم الرمى الطورية لملح الارض

العايزة كتير عشان تخضر السنابل فى زمن المطر الشحيح والتواريــــــــــــب

الهلكتا الارضة والجباية الكسرت الضهر ساب البهم البرزت عضاما والنشفت

ضرعاتا وسكن اطراف المدن الفيها ناسا وحلمو قرشين سريع يرجع للعيال

لكن العيشا عفار من تصبح لن تليل حالة صعبة مالاقى يرجع ولاحتى ياكــــــل

ضاقت بيهو الوسيعة ضاقت تلب باليل تلب تلوب سقطت المبادى ما الجـــــوع

كافر يوم فى الحراسة وسنة فى السجن ضاعوا العيال وبعده للسجن الكبيـــــــــر

الفيهوا سجانين كتير مابيرحمو كروشم كبيرة مابتشبع والكرباج فى اليد وســـــم

ضهور كل المسحوقين الاهة فى صمت الدمعة فى العيون محبوسة العبــــــــرة

تطعن فى الجوف زى سكاكين الجزارين السنينة عيشا تهد الحيل اليوميـــــــــــة

ما بتحوق ديما بايتين القــــــــــــــــــــــــــــــــــــــــــــــــــــــــــــــــــــــــــــــــوا

كتروا الكدابين كتروا الطبالين فى الزفة الكدابة كبرت دقون تاكل عيش وكتــــروا

سكتت بشاشة الزمن الجميل وغابت فى الهم السكن متوهط كل زول

اتشوهت براءة الاطفال سكت الفكر المبدع طمسوا الفكر الخلاق عمد

واتشرد الباقى الفضل فى المنفى وزلة اصحاب المنفى لكن احســـــــن

من مايسكن احمد شرفى ليوم البعـــــــــــــــــــــــــــــــــــــــــــــــــــث

صبوا الطرق التانية بالكونكريت وسابوا طريق واحد مغشوس يطلــــــع

فالصو فالصو فالصو فالصو فالصو فالصو فالصو فالصو فالصو

عشرين سنة كان طوبة طوبة كانت بقت عمارة تغطى السحاب

عشرين سنة كان قمحة قمحة كانت الصحراء غابة والجوع رحل

مهـــــــــــــــــــــــــــــــــــــــــــــــــــــــــــــــــــــــــــــــــزوم

عشرين سنة كان حرف حرف كان الجهل مات وشبع موت

عشرين سنة كان فكرة فكرة كان لينا مع العالمين مكان ماكنا

مطاردين فى بلاد الناس مشردين ماقادرين نرجع للبلد الشردونا

منا عشرين سنة فى المنافى التشرد وحد هم الكل خلاهم يعرفو

العوج الكان موجود فى بلاد برا سودانين ما عرب اولاد بلد

وعبيد وحلب ورطانة ومسلمين ومسيحين

ياهو حالنا فى بلاد برا كلنا سودانين اولاد بلد

96% شرعا كيف تخش العقل وين الناس معقول كل الناس

طبالين فى الزفة الكدابة معقول كل الناس دجالين معقول كل

الناس تاكل عيش؟

96% مقهورين وساكنين اطراف المدن الزايفة ووسم ضهرم

كرباج السجان

عشرين سنة جوع ومذلة وفقر افقر حتى الكان غنيان

كم فى المية جيل العشرين سنة الممحونة؟ كم فى المية جيل الكبت الشبا

ورضع الزيف والدجل الفارغ؟كم فى الميه جيل التجهيل المتعمد؟

كم فى الميه تاكل عيش؟

اه يابلد ماعارفين وين سايقنيك تجار الغفلة النهبوا عافيتك وكل الخير

الفى اركانك ودوها لبرا ماليزيا وماعارف وين

كترت امراضك مابتنفع معاه مروايد ابوى جمعه ولا الكى يشفى

القرقان الانتشر زى الجراد ينهش كبدك كيف نلحق نعالج قضية

96% مغيبين ما بيت الشورة مابيخرب اتنين كان قالو ليك راسك

مافى اهبشو كدى سمعنا من الكبار لكن تجار الغفلة وبياعين الكلام

الفاضى ماليهم كبير زمان جدعوافى البير راجين من زى ديل خير

ديل فاهمين الله ادهم حق فى البلد الكل والناس لازم تخدم وتديهم

راضين او زندية تسمع ليهم غصب حتى الكلام الشين وما عايزين

يسمعوا لحد ولا ضميرم كان فاق يوم

اه يابلد ياهو ملوال فات وماراجع وكان مافى سلام اجتماعى وحقيقة

ومصارحة بكرة ابكر بيمشى وكمان كوكو وادروب ماديل خلوها

كيمان قش كل ما هبت هبوب يطير كوم لحدى ماتصبح رماد

يقعدوا فى خرابوا

وين الفزاعين ساعة الحارة ما ولعت زى جهنم وين وين مافضل

فيها كوم وين البلموا الكيمان باقى قشة النيل الدليب النخيل الابنوس

يصرخ وينادى ارموا الكدابين ارموا الدجالين فى مزبلة التاريخ الملانة

حتالة ارموا الكدابين وتاكل عيش ارموا الشين الشوه حلم الشفع والامات

طرابلس/ليبيا

29/6/2010

Share on Google Plus

عن المدون gazalysidewalk.com

هنا نبذة عن المدون ""