سودانين وبس

من عمق العتمة من زيف الاشياء من قبح الموسس فى الساحة انكسر الصمت مرق صوت من عمق الماضى الفى وجدانا عايز يجدد مسارات كوش الواضحة من عمق التاريخ المطموس عمدا من نخب المسخ الفارغ الحكمت السودان من ما فات مستر سمسم كان الجنرالات او السادة بتاعين الجلابيات او الافندية البى كرفتـــات القالوا التلريخ من ما وقع ابن السرح البغط وما تكون سودانى لو ما جدودك دخلوا   مع العرب السودان ودى فى قانون الجنسية المن 57 يعنى الباقبن ما سودانين والتاريخ يمر بالمك فى شندى لعند المهدية ومؤتمر الخريجين والرفع العلم ما فيهوا كلام عن ثورات السلطان عجبنا ولا نضالات الفكى على الميراوى ولاهبات اهلى هناك فى المرنج ووالى ولا عن جميلتنا مندى مافى سطر ولاهبات ناس الليرى ولا صمود ناس تلشى مرق الصوت العايز يكتب تانى التاريخ الاصلى الما يقصى حد صوت كوكو صوت كوشى صوت ابكر صوت ادروب صوت محمد احمد يحرق زيــــف المدن الملتحية يهدم كل الاصنام الضاعت مع افعالها ملامحنا وصارت مسخ فارغ مابقينا منتمين لى لون الارض العايشين فيها ولابقينا شرق زى ما اختاروا لينـــــا فيهو صوت يهدر زى الرعدة لينا فيهو مكان بس قاعدين فى الهامش مسخا فارغ   لا لامين جاى ولا جاى قاعدين زى الاطرش فى الزفة تكبير كوم كدى ما اختار حكامنا وكل النخب وباصرار فاقم من ازماتنا وشتت فينا عرب وهم ابنوسيــــــن بيقولوا للناس جوه حلب وعبيد وغلف ورطانا منبوذين وما عارف ايه داك العربى الابنوسى الما مقبول فى المركز داك الابيض الناسب نفسه لال البيت وداك القــال انا من نسل الاموين والتانى القال حفيد العباس ياناس الله وين العباسين ويــــــــــن الاموين ممكن الفى الشام او بغداد ولكن مافى الخرطوم انت ياالفى الخرطوم كان  اموى او عباسى والانت هناك سودانى خليك سودانى فى الخرطوم زى ما انـــت هناك سودانى وانسب نفسك لكوش وبعانخى وترهاقة ويكون ليك الشرف ولـــــو عايز تبقى من ال البيت ديك مكه مكان ال البيت ولو عايز تلصق فى العباسيـــن ديك بغداد لو قلت الاموين امشى الشام كان قبلوك وخلى لونك المتبرى منه الجايب ليك العار فى المركز داك العربى هنا فى ارض الكوشين الابنوسين لانها للسودانين الهادرين دمهم باسم الدين والعربية ووووو يا تجار الدين الما رابحة بضاعتكـــــــم مليم احمر لانها مهما اتجملت فيها قبحا ظاهر زى عين الشمس ما عايزين تفتيــت كفاية الفات انت يا اب دقن زايفة والمتحالفين معاك تحت التربيزة باجندتـكــــــــــــم الاقصائية عايزين نكون سودانين ننسب نفسنا للسودان ارض الابنوسين وزى مـــا شالوكم الابنوسين زمان فى العين والراس برضوا نحن كمان كان نيتكم صادقة وخالصة لتعمير الارض السودانية للانسان السودانى للاجيال اللازم تعرف تاريخ السودان القبل الميلاد ولحدى الان كل الحقب كان سوداوية مظلمة والكانت اشراق وما نغفل حقبة ونعيد ترتيب الاوضاع للصاح عشان السودان بيسع الكل كان عرب وحلب وعبيد ورطانة مسلمين ومسيحين وناس الكجرة لو بقى بينا الود ظاهر وانا بحترمك زى ماانت بتعرفنى كويس وبتتفاعل مع ايقاع الكرنق وممكن دى يكون لو بقينا سودانين وبس

شوشة / تونس

Share on Google Plus

عن المدون gazalysidewalk.com

هنا نبذة عن المدون ""