يلا عا الشارع
اسمك فى حبات المطر مطرز بعرق المساكين واهات الغلابة فى ليل الجوع الخوف ووفرح البنيات بالحبيب الجاى يكتب فى سطور الايام ملحمة الخلاص والحريـــــــة انت يا سودان انت ياغالى انت يانشيدنا الباعوك تجار الدين رخيص ديل مابيشبهونا مافيهم ملامح محمد احمد ولا نخوة ناس كوكو ولا سماحة ناس ابكر ولا جســــــارة ادروب ديل فيهم من الشيطان كتير وكمان الشيطان بقول اعوذ بالله من عملم وزى ما قالت حكمة دمك فى ايديم ويقولوا ما كتلناك والله ما كتلناك وعلى باالطلاق كمان يا غلابة يا مساكين يا مسحوقين يا مشردين يا طلبة يا عمال يا سودانين صاح الديك الفجرى وصاحت البلد التبكى يلا عاالشارع تسقط عصابة الجوع الذلت كل الشعب تسقط حكومة التجار السرقت عرق الشعب ولماليزيا طول وكمان لدبى واماكن تانية تسقط عصابة الشحادين المسحت بكرامتنا الارض تسقط عصابة الشياطين الكتلت فينا القيم السمحة خلى صوتكم واحد يهدر واحد يهـــــــز عرش الطاغوت يرمى الفرعون فى مذبلة التاريخ ويقطع شريان القبح الجاثم فــــى فى صدر الحلم الاكبر يسيح دموا ويغسل دنس الدقن الزايفة من اركان الغيم الفـــوق مشوارنا عشان تظهر زاكرة المطر الكانت فى اكتوبر تلهمنا الفكرة البيها ناســــــس مشوارنا الرايع لمشروع المدن التحضن كل الوان الطيف بى حنية وعاطفة اصيلـــة تمسح عرق الجارى يناهد مهدود الحيل وتغسل دمعة ام فاتا وليدا الدخرى الكـــــان بالزندية وقود للحرب الزايفة وتمد لداك المات من الجوع قدح الروب بالسمنة من خيرات البلد ويغنى الكان ساكت رافض الزيف للسلام الاجتماعى ووعى الشعــــب للحرية ووحدتنا الصاح الما تنهز يلا نغنى وسوا سوا سودان سودان ســــــــــودان لا لا لا لا للجهوية لا للعنصرية لا للطائفية لا للقبلية لا للدولة الدينيية نعم نعم نعـــم للدولة المدنية
وتكون الريح للعيال مرجيحة وتبقى زاكرة المطر فيها ابريل ملهمنا واكتوبر نشيدنا العالى الغالى
وتبقى فى خاطر الجميع يا سودان مطرز بالغيم مبلل بالعشب موشح بالورد سودان سودان سودان سودان سودان سودان سودان
0 comments:
إرسال تعليق