في عيونك ضجة الشوق والهواجس
ريحة الموج البنحلم
فوقا بى جية النوارس
ياما شان زفة خريفك
كل عاشق أدى فرضة
ريحة الموج البنحلم
فوقا بى جية النوارس
ياما شان زفة خريفك
كل عاشق أدى فرضة
مافي شمساً طالعه طلت
الإ تضحكى ليها برضو
والغمام الفيكى راحل
فى الصنوبر يلقى أرضو
والصباح إمتد يا ما
كل ما جاوبتى نبضوا
فى عيونك
ضجة الشوق والهواجس
نشتهيك ياما نحلم
نحكى ليك عن المسافة
وعن سفن بالشوق بترسم
فى بحيراتك ضفافها
عن ملامح غنوة طلت
فى عويناتك هتافها
وعن حقيقة نهاتى بيها
فى أساطير الخرافة
فى عيونك ضجة الشوق والهواجس
ياصباحات الموانئ
حتى لو دربك ترنح
فى مشاوير الأغانى
والجرح إرتد بينا
لى زمان الآهة تانى
يا نا لا بنتحاشى صدك
لا بتموت فينا الأغانى
يا غنانا المشتهنو
يانى موعود بزمانه
بى مواقيته البرنو
بإرتعاش صرخة وجودك
يوم يطل ميلادى منو
لما إتوسد صباحك
يا تو ليل يفصلنى عنو
سؤال كبير مطروح لجهاز امن الجبهة الاسلامية القومية ابوذر مختفى من العام 1989 تحديدا منذ سبتمبر 1989 والاختفاء كان فى ظروف غامضة ومريبة وجهاز امن الجبهة الاسلامية هو المسؤل عن ذلك السؤال ياامن الجبهة الاسلامية القومية اين ابوذر ماذا فعلتم به ؟ هل مازال على قيد الحياة ام انتحرت رصاصاتكم وافعالكم القذرة فى قلبه المبدع؟ جاوبونى يا هولاء فان لن تفعلوا سياتى يوم وتتكشف كل الحقائق وعاجلا او اجلا سوف ينالكم القصاص على جرمكم فى حق هذا الانسان المبدع
0 comments:
إرسال تعليق