Shahinaz Jamal
بعد كده الزول يفكر جادي
انو ياخد راحة و إجازة من المظاهرات و يسافر يقضي ليهو إجازة في جزر المالديف😅😅 ...لأنو الشابات و الشباب و الأمهات و
الآباء و الحبوبات و الأجداد و الأطفال و الطفلات..طيب بأختصار الأسر السودانية
كلها في الشارع.
بالنسبة لموضوع اسقاط النظام بعتبرو خلاص ،النظام سقط في كل حارة و حلة في الجغرافية ال اسمها السودان.
أما بالنسبة لموضوع حلايب و الفشقة..فأدوها سنتين بعد الثورة شوية معسكرات و تدريب للثوار ديل بحررو امها زاتو...ديل ناس ما ينوم،ديل أخطر من الجيش الأحمر ...ما بخافوا. .ما بفتروا. ..تكتيك رهيب ،المتاريس ناااااار و طولة بال سلبة..قادة ميدانبين..مورال فووووق.....انتهي يا كومرد
ملحوظة...
في بحري المحطة الوسطي و بالضبط و في تمام الساعة الواحدة إلا سبعة دقائق شابات كتيرات و معاهن نساء كبيرات سن، اللحظة النهضوا فيها من المساطب و مدرجات الدكاكين و ركضوا لنص الشارع مع أول هتاف..كنهضة العنقاء ، في ست كبيرة سن سبعينية . .ما قدرت تنهض و تندمج بنفس سرعة نظيراتها..فوقفت في أعلي مسطبة و فكت ليك الزغرودة ايووووووي..يوووووي..يوووووووووي دي مسألة ما حتزول من مخيلتي لحدي ما أموت
بعد الزغرودة دي رخيت جسمي تماما و أدركت انو بحري الليلة حتكون الأخطر، مشيت علي جنوب المؤسسة..لقيت ليك الشباب شغالين متاريس عجيبة..في البداية متخيلاهم بيركبوا في صيوانات عزاء ..غايتو تكتيك ما اتعمل في الحروب العالمية..اما مورالاتهم و جلالاتهم شغالنها بمكبرات صوت ..و كل شابات و شباب الأحياء شايلين الجرادل و العلب و فروع الشجر طقيع و خبيت في الجرادل..زي صوت نحاس ...التقول شغالين درامز... الناس في بحري شغلهم كان شغل تعبئة للانتخابات. غايتو يا حبرررري.....شغل فنييييط.
مشيت رخيت جسمي في بيت أهلي...جوني الشفع ..يا خالتو التاتشر الفيهو المرتبة ..قبضوا أولاد ،يا خالتو البنات بيحرقوا اللساتك في الزلط، خالتو مضايقين من البمبان اعملي لينا بيكربونات..يا خالتو عاوزين خل و يطلعوا في الظلط يرددوا مع الثوار شوية و يجوا البيت و يهتفوا تسقط بس..و الطلقة ما بتكتل. .بيكتل سكات الزول
..و أي كوز ندوسو دوس..ما بنخاف. .ما بنخاف. .ما بنخاف
في ده كلو البمبان و الرصاص ما وقفوا لحدي بعد المغرب..لكن و لا خصاهم
أكبرهم عمرو 12 و أصغرهم خمسة سنوات....بحري يا مدرسة #تسقط_بس
#مدن_السودان_تنتفض
بالنسبة لموضوع اسقاط النظام بعتبرو خلاص ،النظام سقط في كل حارة و حلة في الجغرافية ال اسمها السودان.
أما بالنسبة لموضوع حلايب و الفشقة..فأدوها سنتين بعد الثورة شوية معسكرات و تدريب للثوار ديل بحررو امها زاتو...ديل ناس ما ينوم،ديل أخطر من الجيش الأحمر ...ما بخافوا. .ما بفتروا. ..تكتيك رهيب ،المتاريس ناااااار و طولة بال سلبة..قادة ميدانبين..مورال فووووق.....انتهي يا كومرد
ملحوظة...
في بحري المحطة الوسطي و بالضبط و في تمام الساعة الواحدة إلا سبعة دقائق شابات كتيرات و معاهن نساء كبيرات سن، اللحظة النهضوا فيها من المساطب و مدرجات الدكاكين و ركضوا لنص الشارع مع أول هتاف..كنهضة العنقاء ، في ست كبيرة سن سبعينية . .ما قدرت تنهض و تندمج بنفس سرعة نظيراتها..فوقفت في أعلي مسطبة و فكت ليك الزغرودة ايووووووي..يوووووي..يوووووووووي دي مسألة ما حتزول من مخيلتي لحدي ما أموت
بعد الزغرودة دي رخيت جسمي تماما و أدركت انو بحري الليلة حتكون الأخطر، مشيت علي جنوب المؤسسة..لقيت ليك الشباب شغالين متاريس عجيبة..في البداية متخيلاهم بيركبوا في صيوانات عزاء ..غايتو تكتيك ما اتعمل في الحروب العالمية..اما مورالاتهم و جلالاتهم شغالنها بمكبرات صوت ..و كل شابات و شباب الأحياء شايلين الجرادل و العلب و فروع الشجر طقيع و خبيت في الجرادل..زي صوت نحاس ...التقول شغالين درامز... الناس في بحري شغلهم كان شغل تعبئة للانتخابات. غايتو يا حبرررري.....شغل فنييييط.
مشيت رخيت جسمي في بيت أهلي...جوني الشفع ..يا خالتو التاتشر الفيهو المرتبة ..قبضوا أولاد ،يا خالتو البنات بيحرقوا اللساتك في الزلط، خالتو مضايقين من البمبان اعملي لينا بيكربونات..يا خالتو عاوزين خل و يطلعوا في الظلط يرددوا مع الثوار شوية و يجوا البيت و يهتفوا تسقط بس..و الطلقة ما بتكتل. .بيكتل سكات الزول
..و أي كوز ندوسو دوس..ما بنخاف. .ما بنخاف. .ما بنخاف
في ده كلو البمبان و الرصاص ما وقفوا لحدي بعد المغرب..لكن و لا خصاهم
أكبرهم عمرو 12 و أصغرهم خمسة سنوات....بحري يا مدرسة #تسقط_بس
#مدن_السودان_تنتفض
0 comments:
إرسال تعليق