ياثوار
اديكم تقرير كامل عن الحصل في الكلاكلة: ✌
الساعة 5مساء بالظبط سوق اللفة ملان ناس ومعظمهم شباب وشابات والتجهيزات الامنية ماتديك الدرب قريب عشرة تاتشرات من الاحتياطي المركزي وعشرات التاشرات من الشرطة وعشرات التاتشرات المبرقعة التابعة للامن وكم بوكس خالي لوحات فيهو الامنجية او الكيزان البلبسو ملكي وبكون مغطين وشوشهم بالشالات زي الطرح😂😂 وكم دفار شرطة دا غير رئاسة الشرطة الاصلا دا مكانا..
الوضع صعب شديد والناس مترددة تبدا كيف😢 فجأة الناس تسمع صوت شاب بهتف بكل شجاعة💪(حرية سلام وعدالة) والناس طوالي جرو عليهو وبقو يهتفو معاهو (والثورة خيار الشعب) والناس اتلمت✌ هنا طوالي تاتشرات الشرطة والامن مشت عليهم وبقت تضرب بمبان عشوائي في اي مكان ومعظم الناس بقت تهتف والبمبان دور بكثافة حتى ضربو بمبان قدام باب رئاسة الشرطة وناس الشرطة ذاتم اتضايقو وبقو يتجارو..😂😂
الثوار دخلو بشارع القبة بي موكب وفي موكب دخل صنقعت وبدا الكر والفر داخل القبة وصنقعت والمواكب بقت تنقسم لي كم موكب داخل الاحياء وهنا الليل والظلام دخل وبعدا الشغل الصاح من شفاتة الكلاكلات بدا في معظم الاحياء ✌ القبة..وصنقعت..والقطعية..وشرق..والبصاولة..ومحطة 4..وابو آدم.
وكل ناس حي بقو يقفلو الشوارع بالمتاريس والحجار ويستدرجو الكجر بي تاتشراتم ويرجموهم وفي كم تاتشر بركب في الترس وبتردم طوب صاح وبطلع بي صعوبة 💪دا غير التاتشر الاستدرجوهو لي خور فيهو مدخل من كرتون وهمي واتقلب جوا والناس ساعدو ناس الامن واسعفوهم عشان يعرفو الرجالة الصاح وكمان التاتشرات الاطاقشت مع بعض..✌غايتو ناس الكلاكلة عملو البدع بس عشان الظلام كان التوثيق قليل جدا.
والكر والفر كان مستمر حتى الساعة 11:30 تقريبا وفي مناطق بعد داك..وفي مناطق قطعو منها الكهرباء زي الوحدة والدخينات..
الكان ملاحظ في موكب الكلاكلة بسالة ثوار الكلاكلة على الرغم من التجهيزات الأمنية الكبيرة..ساعدهم في كدا عامل الليل ومعرفتم بشوارعم وكمان كان ملاحظ ارتباك الكجر شديد.✌
في اصابات بالرصاص الحي والمطاطي ربنا يشفيهم.
الساعة 5مساء بالظبط سوق اللفة ملان ناس ومعظمهم شباب وشابات والتجهيزات الامنية ماتديك الدرب قريب عشرة تاتشرات من الاحتياطي المركزي وعشرات التاشرات من الشرطة وعشرات التاتشرات المبرقعة التابعة للامن وكم بوكس خالي لوحات فيهو الامنجية او الكيزان البلبسو ملكي وبكون مغطين وشوشهم بالشالات زي الطرح😂😂 وكم دفار شرطة دا غير رئاسة الشرطة الاصلا دا مكانا..
الوضع صعب شديد والناس مترددة تبدا كيف😢 فجأة الناس تسمع صوت شاب بهتف بكل شجاعة💪(حرية سلام وعدالة) والناس طوالي جرو عليهو وبقو يهتفو معاهو (والثورة خيار الشعب) والناس اتلمت✌ هنا طوالي تاتشرات الشرطة والامن مشت عليهم وبقت تضرب بمبان عشوائي في اي مكان ومعظم الناس بقت تهتف والبمبان دور بكثافة حتى ضربو بمبان قدام باب رئاسة الشرطة وناس الشرطة ذاتم اتضايقو وبقو يتجارو..😂😂
الثوار دخلو بشارع القبة بي موكب وفي موكب دخل صنقعت وبدا الكر والفر داخل القبة وصنقعت والمواكب بقت تنقسم لي كم موكب داخل الاحياء وهنا الليل والظلام دخل وبعدا الشغل الصاح من شفاتة الكلاكلات بدا في معظم الاحياء ✌ القبة..وصنقعت..والقطعية..وشرق..والبصاولة..ومحطة 4..وابو آدم.
وكل ناس حي بقو يقفلو الشوارع بالمتاريس والحجار ويستدرجو الكجر بي تاتشراتم ويرجموهم وفي كم تاتشر بركب في الترس وبتردم طوب صاح وبطلع بي صعوبة 💪دا غير التاتشر الاستدرجوهو لي خور فيهو مدخل من كرتون وهمي واتقلب جوا والناس ساعدو ناس الامن واسعفوهم عشان يعرفو الرجالة الصاح وكمان التاتشرات الاطاقشت مع بعض..✌غايتو ناس الكلاكلة عملو البدع بس عشان الظلام كان التوثيق قليل جدا.
والكر والفر كان مستمر حتى الساعة 11:30 تقريبا وفي مناطق بعد داك..وفي مناطق قطعو منها الكهرباء زي الوحدة والدخينات..
الكان ملاحظ في موكب الكلاكلة بسالة ثوار الكلاكلة على الرغم من التجهيزات الأمنية الكبيرة..ساعدهم في كدا عامل الليل ومعرفتم بشوارعم وكمان كان ملاحظ ارتباك الكجر شديد.✌
في اصابات بالرصاص الحي والمطاطي ربنا يشفيهم.
كلاكلاوي وافتخر
منقول من فيس بوك
0 comments:
إرسال تعليق