1- في وعي ثوري جدييييد قاعد يتخلق و يتشكل..وعي بنيوي، تغيير جذري مفاهيمي،متعدد،علي مستوي ثقافي تعددي و نوعي إتجاه قضية (النوع) و طبقي..يا ريت نواصل كده لأنو ده الغرض من مفهوم الثورات..الثورة ليست فقط تغيير نظام سياسي..لكن هي ثورة ضد كل قديم و تقليدي
2- أيضا في تطور علي مستوي العمل الدعائي و الإعلامي. .منظر الثوار في الصور و الفيديوهات في موكب الأمس (حتي علي مستوي مقارنته بموكب 25 ديسمبر)..أمس و هم رافعين الشعارات و اللافتات و الأعلام. .جد منظر تقشعر لهو الأبدان.
3- مستوي التكتيك..في اللحظات الأولي كنت حاسة بي إنو اليوم ما حيحقق النجاح بتاع الموكب الأول..لكن بعد شوية،شفت العجب....يا سلاااااام عليكم يا شعبي..بالجد كل يوم بزيد فخر إني منتمية للشعب ده..
4- في أدب ثوري جديد من شعر و غناء (أتمني نوثق ليهو)..في اليوم عشرات النصوص قاعدة تتألف
5- برضو حس الوطنية بقي عااالي جدااا (ضد كل أشكال التمييز)...
6- تلاحم الشعب في المظاهرات دي ما شفتها في أي مظاهرات سابقة..كل الحولينك بقدموا ليك الدعم المعنوي و النفسي(موية للشرب،بيبسي..خل..ليمون..كربونات..كمامات..إسعافات أولية للمصابين) بالرغم من إنو بيصادف إنو الحولينك ديل مافي بينك و بينهم أي سابق معرفة...لكنها روح الثورة في أقصي تجلياتها
يااااااااخ أنا بحب الشعب ده حب
تسقط بس عشان نبنيها صاااح كلنا مع بعض.
#تسقط_بس
#مدن_السودان_تنتفض
شاهيناز جمال / فيس بوك
0 comments:
إرسال تعليق