العصيان المدني الشامل والإضراب السياسي المفتوح بأمر الشعب (٣)
طيب نحنا دخلنا في العصيان المدني الشامل فكيف نواصل وننجح في
إسقاط شلة اللجنة الأمنية ومليشيات المجرمين؟
- أولاً بإننا نؤمن أنو نجاحنا بيكون بالتزامنا التام بالسلمية
مهما حاولت الميليشيات المجرمة لجرنا للعنف والتخريب، لأنه دي الحاجة الوحيدة الهم
بيعرفوها ويفلحوا فيها. سلميتنا التامة دي هي السلاح الفتاك البيهزمهم ويعري خواء
عنفهم وإجرامهم ويحافظ على تماسكنا.
- ثانياً فهمنا العميق أنو العصيان المدني الشامل والإضراب سياسي المفتوح ديل وسائل عمل وقيادة جماعية، وزيهم وزي أي عمل وقيادة جماعية أهم شيء فيهم هو التزامنا ومشاركتنا كلنا نحن كأفراد والقيام بدورنا فيهم في إطار العمل الجماعي ده، الفكرة ببساطة هي ايد على ايد تجدع بعيد.
- ثالثاً التنظيم ثم التنظيم ثم التنظيم، عندنا لجان أحياء في منطقتنا نكربها ونزبطها ونشارك كلنا فيها. ما عندنا لجنة حي في منطقتنا، طوالي نعملها وننظمها ونكربها ونشارك كلنا فيها. برضو لجان أحياءنا دي عشان تكون فعالة ما ممكن تكون معزولة عن بعض، لازم نشبكها مع الأحياء الجنبنا ونحولهم لأسرة كبيرة اسمها لجان السودان كله، لأنه العصيان ده زي ما قلنا اعتصام كبير في كل السودان. في لجان الأحياء بنوزع الأدوار عشان نقوم بكل الأشياء المحتاجين ليها أهلنا في الحي: الحماية بتتريس الشوارع والكباري والمنافذ، توفير الأكل والشراب والدواء لكل الناس وخاصة المحتاجين، التوعية والإعلام وتوصيل المعلومات لكل فرد وشخص في الحي، توثيق كل الجرائم البيقوم بيها النظام وميليشياته وحفظها عشان المحاكمات والمحاسبة الجاية عما قريب، وبرضو التوعية ومنع ووقف أي شخص أو محاولة تبعدنا عن السلمية. مسئوليتنا انه نتشايل مع بعض عشان ما في زول يكون محتاج التعامل مع النظام المجرم.
- رابعاً العصيان المدني الشامل زي ما قلنا بيعني شل الحياة العامة تماماً، بالتالي حنستمر في قفل الطرق الرئيسية والكباري والمنافذ بالمتاريس، وده حماية لينا ولأهلنا، وفي عمل المتاريس نستخدم أي شيء ويفضل تكون حاجات تقيلة يصعب على المليشيات المجرمة تحريكها، لكن نحافظ على الحاجات المرتبطة بالبنية التحتية (أعمدة الكهرباء والاتصالات وغيرها) لأنها ملك لينا كشعب ونحن الدافعين قروشها. برضو المتاريس ما نحرسها اذا هاجمتها الميليشيات المجرمة محافظةً على الأرواح، اذا فرتقوها ومشوا، نمشي تاني نترس ونقفل والفورة مليون.
- خامساً العصيان المدني الشامل زي ما قلنا هو عدم الانصياع للنظام المجرم وميليشياته، وبالتالي هو ما جلوس في البيت بل مقاومة مستمرة، عشان كدة بنستمر في التظاهر وتسيير المواكب في الشوارع الرئيسية وداخل الأحياء، سهر الجداد والمجرمين ولا نومهم وبرضو الفورة مليون.
- سادساً العصيان المدني الشامل والاضراب السياسي المفتوح معناهو توقف كامل عن العمل، لكن طبعاً لجان المهنيين والعمال والحرفيين عندها دور كبير في التنسيق لوقف العمل أولاً والانخراط والتنسيق داخل ومع لجان الأحياء، مثلاً الأطباء والصيادلة بيشتغلوا في الأحياء لتوفير العلاج والدواء للمرضى والمصابين، المهندسين والحرفيين بيساعدوا في صيانة أجهزة واحتياجات الناس في الأحياء، وهكذا؛ كل زول ليه دور يلعبوا. نحقق اكتفاء ذاتي في أحياءنا ومناطق سكننا ونوري المجلس العسكري الانقلابي الميليشيات انه الطفا النور منو، نحن الشعب مصدر الحكم والسيادة.
- ثانياً فهمنا العميق أنو العصيان المدني الشامل والإضراب سياسي المفتوح ديل وسائل عمل وقيادة جماعية، وزيهم وزي أي عمل وقيادة جماعية أهم شيء فيهم هو التزامنا ومشاركتنا كلنا نحن كأفراد والقيام بدورنا فيهم في إطار العمل الجماعي ده، الفكرة ببساطة هي ايد على ايد تجدع بعيد.
- ثالثاً التنظيم ثم التنظيم ثم التنظيم، عندنا لجان أحياء في منطقتنا نكربها ونزبطها ونشارك كلنا فيها. ما عندنا لجنة حي في منطقتنا، طوالي نعملها وننظمها ونكربها ونشارك كلنا فيها. برضو لجان أحياءنا دي عشان تكون فعالة ما ممكن تكون معزولة عن بعض، لازم نشبكها مع الأحياء الجنبنا ونحولهم لأسرة كبيرة اسمها لجان السودان كله، لأنه العصيان ده زي ما قلنا اعتصام كبير في كل السودان. في لجان الأحياء بنوزع الأدوار عشان نقوم بكل الأشياء المحتاجين ليها أهلنا في الحي: الحماية بتتريس الشوارع والكباري والمنافذ، توفير الأكل والشراب والدواء لكل الناس وخاصة المحتاجين، التوعية والإعلام وتوصيل المعلومات لكل فرد وشخص في الحي، توثيق كل الجرائم البيقوم بيها النظام وميليشياته وحفظها عشان المحاكمات والمحاسبة الجاية عما قريب، وبرضو التوعية ومنع ووقف أي شخص أو محاولة تبعدنا عن السلمية. مسئوليتنا انه نتشايل مع بعض عشان ما في زول يكون محتاج التعامل مع النظام المجرم.
- رابعاً العصيان المدني الشامل زي ما قلنا بيعني شل الحياة العامة تماماً، بالتالي حنستمر في قفل الطرق الرئيسية والكباري والمنافذ بالمتاريس، وده حماية لينا ولأهلنا، وفي عمل المتاريس نستخدم أي شيء ويفضل تكون حاجات تقيلة يصعب على المليشيات المجرمة تحريكها، لكن نحافظ على الحاجات المرتبطة بالبنية التحتية (أعمدة الكهرباء والاتصالات وغيرها) لأنها ملك لينا كشعب ونحن الدافعين قروشها. برضو المتاريس ما نحرسها اذا هاجمتها الميليشيات المجرمة محافظةً على الأرواح، اذا فرتقوها ومشوا، نمشي تاني نترس ونقفل والفورة مليون.
- خامساً العصيان المدني الشامل زي ما قلنا هو عدم الانصياع للنظام المجرم وميليشياته، وبالتالي هو ما جلوس في البيت بل مقاومة مستمرة، عشان كدة بنستمر في التظاهر وتسيير المواكب في الشوارع الرئيسية وداخل الأحياء، سهر الجداد والمجرمين ولا نومهم وبرضو الفورة مليون.
- سادساً العصيان المدني الشامل والاضراب السياسي المفتوح معناهو توقف كامل عن العمل، لكن طبعاً لجان المهنيين والعمال والحرفيين عندها دور كبير في التنسيق لوقف العمل أولاً والانخراط والتنسيق داخل ومع لجان الأحياء، مثلاً الأطباء والصيادلة بيشتغلوا في الأحياء لتوفير العلاج والدواء للمرضى والمصابين، المهندسين والحرفيين بيساعدوا في صيانة أجهزة واحتياجات الناس في الأحياء، وهكذا؛ كل زول ليه دور يلعبوا. نحقق اكتفاء ذاتي في أحياءنا ومناطق سكننا ونوري المجلس العسكري الانقلابي الميليشيات انه الطفا النور منو، نحن الشعب مصدر الحكم والسيادة.
إيدك على إيدي، عصيان مدني شامل وإضراب سياسي لحدي اسقاط المجلس
العسكري الانقلابي ومليشيات جهاز أمنه وكتائب ظله وجنجويده، ونقل مقاليد الحكم
لسلطة انتقالية مدنية وفقاً لإعلان الحرية والتغيير ميثاق ثورتنا.
حرية، سلام، وعدالة
مدنية قرار الشعب
مدنية قرار الشعب
0 comments:
إرسال تعليق