تنظيم لجان العصيان المدني الشامل في الأحياء
الفرقان والحلال
انتو
عارفين شنو الممكن يتعمل، أسياد الرصة من زمان، لجان الأحياء المكتسب العاتي
والقيادة الحقيقية للحركة الثورية السودانية. عايزين بس نذكر الناس و نطمنهم أننا
ح نهتم بالآتي:
- لجان الأحياء هي البرلمان
المصغر والقيادة داخل كل حي
- عندنا فيها ناس مسئولين من ضمان وجود مصادر الأكل والشرب لسكان الحي، خاصة كبار السن والأطفال والمحتاجين؛ كلنا أسرة واحدة وأهل
- يكون عندنا ناس مسئولين عن نقل مرضى الحالات الطارئة للمستشفيات بالتنسيق مع اللجان الطبية الفرعية
- عندنا ناس بشتغلو توعية في البيوت والدواوين وتوصيل المعلومات وشرح أهداف العصيان المدني الشامل وانو نعصر على بعض
- لازم كمان نضمن إنو مافي أي خائن بيناتنا ، أي زول بستهتر بدماء الشهداء، أو بقضية الشعب السوداني لازم نعمل على عزله تماماً من مجتمعنا الوفي للشهداء وللثورة
- مستمرين في تتريس كل الشوارع الرئيسية والفرعية والكباري ونملة ما بتمر، لكن المتاريس ما بنحرسها، المتاريس نبنيها وإذا أزالوها تاني نجي نبنيها. الجنجويد ومليشيات المجلس العسكري الانقلابي هي الح ترهق لأنو دوافعها غير دوافعنا، هم بشتغلوا كارتزاق رخيص، ونحن بنشتغل بعريق العشق الحي للشهداء وللثورة وللقضية الوطنية العظيمة. ونحن القدامنا الصباح.
- المجلس العسكري الانقلابي ومليشيات جهاز أمنه وجنجويده ما ننجر للعب في ساحتهم، هم ساحتهم العنف والقتل ونحن ساحتنا السلمية والحياة، وهم في ساحة سلميتنا التامة دي انهزموا مرات ومرات، ولم يتبق إلا أن نوسع ساحة عصياننا الباسل ونتمسك ونرسم لوحة النصر الكبيرة، يبقى لازم تنتبه أننا نتمسك بالسلمية التامة والحياة والعقل المفتوح مهما فعلوا وتواطئوا في الخسة والعنف وانتهاك الحرمات. المحاسبة والمحاكمات جاية وقريب جداً.
- العصيان المدني الشامل والإضراب السياسي العام هي أدوات المقاومة السلمية البتشل أي نظام حكم في العالم مهما كان تسلطه، خليك من نظام مضطرب ومرتجف من قادته المجارمة حتى آخر جنجويد ومرتزق كتيبة ظل. فيلزمنا التأكيد بصورة يومية إنو نحن كل يوم بننتصر.
- عندكم انتو ابتكاراتكم الخاصة بيكم وفق طبيعة الأحياء والفرقان والحلال الانتو فيها. وثورتنا دي أساسها الإبداع والبسالة وهدفها الحرية والسلام والعدالة.
- عندنا فيها ناس مسئولين من ضمان وجود مصادر الأكل والشرب لسكان الحي، خاصة كبار السن والأطفال والمحتاجين؛ كلنا أسرة واحدة وأهل
- يكون عندنا ناس مسئولين عن نقل مرضى الحالات الطارئة للمستشفيات بالتنسيق مع اللجان الطبية الفرعية
- عندنا ناس بشتغلو توعية في البيوت والدواوين وتوصيل المعلومات وشرح أهداف العصيان المدني الشامل وانو نعصر على بعض
- لازم كمان نضمن إنو مافي أي خائن بيناتنا ، أي زول بستهتر بدماء الشهداء، أو بقضية الشعب السوداني لازم نعمل على عزله تماماً من مجتمعنا الوفي للشهداء وللثورة
- مستمرين في تتريس كل الشوارع الرئيسية والفرعية والكباري ونملة ما بتمر، لكن المتاريس ما بنحرسها، المتاريس نبنيها وإذا أزالوها تاني نجي نبنيها. الجنجويد ومليشيات المجلس العسكري الانقلابي هي الح ترهق لأنو دوافعها غير دوافعنا، هم بشتغلوا كارتزاق رخيص، ونحن بنشتغل بعريق العشق الحي للشهداء وللثورة وللقضية الوطنية العظيمة. ونحن القدامنا الصباح.
- المجلس العسكري الانقلابي ومليشيات جهاز أمنه وجنجويده ما ننجر للعب في ساحتهم، هم ساحتهم العنف والقتل ونحن ساحتنا السلمية والحياة، وهم في ساحة سلميتنا التامة دي انهزموا مرات ومرات، ولم يتبق إلا أن نوسع ساحة عصياننا الباسل ونتمسك ونرسم لوحة النصر الكبيرة، يبقى لازم تنتبه أننا نتمسك بالسلمية التامة والحياة والعقل المفتوح مهما فعلوا وتواطئوا في الخسة والعنف وانتهاك الحرمات. المحاسبة والمحاكمات جاية وقريب جداً.
- العصيان المدني الشامل والإضراب السياسي العام هي أدوات المقاومة السلمية البتشل أي نظام حكم في العالم مهما كان تسلطه، خليك من نظام مضطرب ومرتجف من قادته المجارمة حتى آخر جنجويد ومرتزق كتيبة ظل. فيلزمنا التأكيد بصورة يومية إنو نحن كل يوم بننتصر.
- عندكم انتو ابتكاراتكم الخاصة بيكم وفق طبيعة الأحياء والفرقان والحلال الانتو فيها. وثورتنا دي أساسها الإبداع والبسالة وهدفها الحرية والسلام والعدالة.
مكملين
الحل في الشل
الحل في الشل
0 comments:
إرسال تعليق