بيك سكتت
جروحى المن زمن ماضى شرقت شموس الفرح الملان الوان
وقف نزف الجرح
الطاغى اتبدل بنفسج ورجع صمت الزمن غنوة رزاز
خضر ساعة
العشيات ولمن جى الليل زغردة نجمة
لعــــرس السنبلـــــة
وفرح العصافير
الرجعت من مشاوير الشقى اليومى ترتاح فى اغصـــان
عيونك نشيد
هتاف لبكره الجميل المنحوت وشم فى صدر موجة عنيـــدة
زينت صمت
النيل الاتمدد شمال " بيك تزهو
المدن تداعب شدراتـــــــــا
النسمة
الخريفية ترش صخب الحلة وصمت البيوت النامت بدرى بعـــــد
العشا الحاضر
وقامت دقش ساعية فى دروب الرزق الحــــــــــــــــــــلال
بيك يرتاح
الزمن المشحون تعب فى محطات الفرح المجدول عبق قرنفل
وضريرة فى
الشوارع والكبارى والشدر الكبير مشرور فى قيف النيــــــل
رقص طربان غطس
للقاع وطلع يضحك وضحك معاهوا ارهاق الزمـــــن
المشحون مشاكل والرصيف
الممدود تعب من ورق الخريف وعرق عمــــــال
اليومية العابرين
دروب الليل وصخب المدينة الما بيرحم عصفورة ضلـــت
سكك الوصول" ونسمة موجة عاتية
اتكسرت رجعت تانى بتراب القيــــــــف
لعمق الزمن
الشاهد تحولات ماليها اخر وما بتنتهى ناس قبحهم
مجمل بورع
زايف دقون
محننة وبيضا سبحة لالوب كبيرة جلابية حرير عصاية خيـــــزران
اختزلوا
النخلة الغابة والابنوس الصحراء الحدادى مدادى فى ميضنة معوجــــــة
وحرف ضاد مشوه
المعالم تحتوا كم خط " شرعوا النهب
المنظم لعرق ستـــات
الشاى وعواسات
الكسرا وعرق الزاحفين دقش للمزارع ومصانع المدن التعبت
من صرخات
الجوع الكافر والمرض العشش فى الاركان " فشل كلوى ملاريا
ايدز وتانية
ما معروفا والحق واقف بعيد مغيب شغلوا
الناس بالهم اليومـــــــى
لقمة العيش
اقساط المدارس الكلوركين من عشرين سنة نسوا الرفاهية شفعـــــم
ما بيعرفو
الموز خليك من التفاح سابو التمباك
والبرنجى الماهية ممحــــــوقة
ما بتحوق لنص
الشهر
دوخ دوخ تقعد
نافق تعيش راوغ دوخ اشغل بال الناس اللية بزيادة سعر السكر
وبكرة العيش
وخلى صفوف البنزين تكبر وخليهم يمشو كدر والبت للشفــــــــع
فى الشارع
للخدعة الوطنية لحرب الكفار اعداء الانسانية فى جنوب الغابة وحتى
جبال النوبة
والانقسنا وكل البقول لا كافر ملحد عميل للامبريالية والرجعية والعنصرية
فسح ديل
الطلعوا الشارع ودمر تلشى وكمان كادوقلى واعمل صيوان
عرس الشهداء
وقول الله اكبر ناكل من ما نزرع نلبس من ما نصنـــــــــــــــــــع
الله
الله دوخ دوخ وزيد دوخ وخلى بالك مرتاح
البس جلابية حرير وكبر دقنـــــك
وادى ضميرك
عطلة واشرب مويتك بجمجمة النوباوى والدنكاوى الكفار وماتقرف
شغلوا الكل عن
شعاع شمس تصرخ فى العتمة تسقط شعارات الدجل الفاضحة
الشعوذة تسقط
معاول تمزيق اطراف الخرطة الهشة لينا فى
خط الطول حلــــم
اكبر من
الخدعة وفى خط العرض بينا فجر واحد فى شروقوا من ســــــاعة التكويـن
وفى غروبوا
تنزل مطر للسنابل والقناديل والطير الما بعرف شخوط زيـــــــــــــف
رسمت ملامحه
المشوهه الايدولجية الشويفنية الامعنت فى تمزيق اعتبارات السلام
الاجتماعى شرخت معابر التواصل الراكزة من زمن بعيد عشان
يخلدوا صفر
كبير مجمل
توجه حضارى مصيروا مزبلة
التاريخ ماوجدان الغبــــــــــــــــش
زى ماسكن
شهيدنا الاول القرشى او الماظ البطل وعلى عبداللطيف وصحبــــــــه
ياديل اقيفوا
حرام عليكم كفاية خافو الله فى البلد والغبش التكافح وامشوا يــــــــــــلا
اقعو البحر
وخلى السمك ينقد جلودكم امكن تتطهروا من الحقد المالى عملكـــــــــــم
امكن الشعب
يغفر ينسى شراب الشاى بالبلح صفوف الرغيف دوريات الطـــــوارى
نظامكم العام
بيوت الاشباح وشطحاتاكم الما مبلوعة الما مهضومــــــــــــــــــــة
اهتفى
ياابنوسية ياسمحة لينا فجر واحد لينا فجر ضاحك لينا حلم اكبر لينا بكره
اجمل لاطفالنا
النخلة الغابة الصحراء الابنوس يسع حلم الاتوكل على الله ورمى
التيراب
والبعانق فى الامل رغم الحال الواقف مرق شايل قفتوا للسوق والرمــــى
الشبك بسم
الله فى النيل وحلموا بلطى وشفعوا من امس ما
ضاقوا الذات ومشـــــــوا
للقراية زى
نسمة ابريل عطرت كل المسارات جسارة
اهتفى يا
ابنوسية ياسمحة ما بنسيب حلمنا تشيلوا ريح
الزيف يتشتت كيمــــــــــــان
حلم شبا وكبر
فوق النخيل والتبلدى والاناناس والدوم وهبوب ام شير فيضــــــــــان
النيل ضحكة
ميرى صرخة كلتوم زغرودة الابنوسية السمحة لخلق الله واحة وراحة
من تعب الايام
والهم السكن مرتاح بال الشفع والبيوت
5/6/2010
طرابلس/ليبيا
0 comments:
إرسال تعليق